Tamil10

Blog name http://www.suryakannan.blogspot.com/

1. உங்களைப் பற்றி சுருக்கமாக சில வரிகள் ?
நான் எந்த கணினி வகுப்பிற்கும் செல்லாமல், சுயமாக கற்றுக் கொண்டவன். தினசரி கற்று கொண்டிருப்பவன். எனக்கு தெரிந்த அனைத்தையும் கற்றுக் கொடுப்பதில் ஆர்வமுள்ளவன்.
வாழ்க்கைப் போராட்டத்தில், எத்தனையோ இடர்களையும், தடைகளையும் தாண்டி சுயமாக தொழில் செய்து வருகிறேன்.

2.நீங்கள் வலைப்பதிவு எழுத வந்ததன் நோக்கம் ?
நான் அறிந்தவற்றை மற்றவர்களோடு பகிர்வதில் ஒரு ஆத்ம திருப்தி!

3.உங்களின் பதிவுகளை சக பதிவர்கள் விமர்சிக்கும் போது அதை எப்படி எடுத்துக் கொள்வீர்கள் ?
சக பதிவர்களின் விமர்சனமே என்னை இந்த அளவிற்கு வார்த்தெடுத்திருக்கிறது.

4.பதிவுலகிற்கு வந்ததன் மூலம் நீங்கள் அடைந்த நன்மை மற்றும் தீமைகள் ?.
நன்மை: பதிவுலக நண்பர்கள்.
தீமைகள்: சரியான உறக்கமின்மை.

5-வலை உலகத்தில் உங்களுக்கு மிகவும் பிடித்த ஐந்து பதிவர்கள் யார் ? யார் ?
தமிழ் நெஞ்சம்.
பாமரன்.
ஷிர்டி சாய்தாசன். (சுதந்திர இலவச மென்பொருள்)
திருமதி. மேனகா சத்யா (http://sashiga.blogspot.com)
கும்மாச்சி மற்றும் பலர்.

6-உங்கள் பதிவுகள் பெரும்பாலும் தொழில்நுட்பம் சார்ந்த பதிவுகளாகவே இருக்கிறதே ?.இது உங்கள் உங்கள் துறை மீது நீங்கள் வைத்து இருக்கும் காதலாலா ?
என் மனைவி அடிக்கடி சொல்வது. “கணினியையே கட்டிட்டு அழுங்க,”
ஆனால் அவ்வப்போது அவர் தரும் பாராட்டுகளே என்னை வளர்த்திருக்கிறது.

7-எதிர் காலத்தில் பத்திரிகை , தொலைகாட்சி போன்று வலைப்பதிவும் தவிர்க்க முடியாத சக்தியாக உருவெடுக்கும் என்று நம்புகிறீர்களா ?…

பத்திரிக்கை, தொலைக்காட்சி ஐ விட ஒரு பெரிய சக்தியாக நிச்சயமாக உருவெடுக்கும். (கருத்து சுதந்திரம் உள்ளவரை இந்த வளர்ச்சி தவிர்க்க முடியாத ஒன்று..,)

8-புதிதாக பதிவுலகத்திற்கு வரும் பதிவர்களுக்கு நீங்கள் கூறும் அறிவுரை ?
நீங்கள் எழுதப்போகும் கருத்தில் நீங்கள் தெளிவாக இருந்தால், தைரியமாக எழுதுங்கள். உங்கள் பதிவுகள் வாசகர்களுக்கு பயன்படும்படி இருக்கட்டும்.

9 – தமிழ்10 தளம் பற்றிய உங்கள் கருத்து
தமிழ்10 தளம் பதிவுகளை பகிர்வதோடு மட்டுமல்லாமல், பதிவர்களை ஊக்குவிக்கும் தளமாகவும் உள்ளது. இத்தளத்தில் எனது பதிவுகளை இடுவதில் பெருமிதம் கொள்கிறேன்.

10 – இறுதிக் கேள்வி உங்கள் வாழ்வின் இலட்சியம் ?

பெரிதாக ஒன்றுமில்லை. எப்பொழுதும் என்னைச் சுற்றி உள்ளவர்களை மகிழ்வாக வைத்திருக்க வேண்டும்.

உங்கள் எண்ணம் போலவே தொடர்ந்தும் இது போன்ற பதிவுகளை எழுத தமிழ்10 தளத்தின் வாழ்த்துக்கள்

1. உங்களைப் பற்றி சுருக்கமாக சில வரிகள் ?

நகைச்சுவை, நையாண்டி, கட்டுரை, புத்தக பார்வை, காதல்….என்று எல்லாம் சேர்ந்த ஒரு கலவை. இது இருக்கும், கிடையாது என்ற பேச்சுக்கே இடமில்லை. எல்லாம் இருக்கும் என்ற பெயரில் ஒன்றும் உருப்படியாக இருக்காது

2.நீங்கள் வலைப்பதிவு எழுத வந்ததன் நோக்கம் ?
என் எழுத்து திறனை மெருக்கேற்றிக் கொள்ளவும். மற்றவர்களின் அனுபவத்தில் இருந்து கற்றுக் கொள்ளவும்.

3.உங்களின் பதிவுகளை சக பதிவர்கள் விமர்சிக்கும் போது அதை எப்படி எடுத்துக் கொள்வீர்கள் ?
Free publicity என்று நினைத்துக் கொள்வேன்

4.பதிவுலகிற்கு வந்ததன் மூலம் நீங்கள் அடைந்த நன்மை மற்றும் தீமைகள் ?..
பலர் இவ்வளவு நன்றாக
எழுதுகிறார்கள் என்ற அடையாளமும், என் எங்கு இருக்கிறேன் என்ற உண்மையும் தெரிந்துக் கொண்டேன்.
தீமைகள் என்று எதுவுமே இல்லை.

5-வலை உலகத்தில் உங்களுக்கு மிகவும் பிடித்த ஐந்து பதிவர்கள் யார் ? யார் ?
கேபிள் சங்கர்
லக்கி லுக்
நர்சிம்
முகில்
சிவராம் (பைத்தியக்காரன்)

6-தற்போது வலை உலகில் பெருகி வரும் கருத்து மோதல்கள் பற்றி ?
கருத்து மோதல்கள் வரவேற்க தக்கது தான். ஆனால், இப்போது என்ன கருத்து மோதல் நடக்கிறது ?

7-புதிதாக பதிவுலகத்திற்கு வரும் பதிவர்களுக்கு நீங்கள் கூறும் அறிவுரை ?
அறிவுரை கூறும் அளவிற்கு நான் வளரவில்லை.

8 – தமிழ்10 தளம் பற்றிய உங்கள் கருத்து
என்னை போன்ற தெரியாத பதிவர்களை கூட “கீரிடம்” சூட்டி அழகு பார்க்கும் தளம்.
9 – இறுதிக் கேள்வி உங்கள் வாழ்வின் இலட்சியம் ?
நல்ல எழுத்தாளன் என்ற பெயர் எடுப்பது.

தமிழ்10 .காம் வழங்கும் “கிரீடம்” விருதை இவ்வாரம் பெறுபவர் இனியவன் .
சமூக மற்றும் பொது விடயங்களை எழுதும் திரு .இனியவனின் இணையத்தள முகவரி
www.iniyavan.com

கீழே இனியவனின் ஓர் சிறிய பேட்டி

1. உங்களைப் பற்றி சுருக்கமாக சில வரிகள் ?

என் பெயர் என்.உலகநாதன். நான் திருச்சி மாவட்டம் லால்குடியைச் சேர்ந்தவன். நான் கடந்த 12 வருடங்களாக மலேசியாவில் ஒரு பன்னாட்டு நிறுவனத்தில் Finance Controller ஆக வேலை பார்த்து வருகிறேன். அதற்கு முன்பு இராணிப்பேட்டையில் வேலை பார்த்தேன்.நான் மிகுந்த தெய்வ நம்பிக்கை உள்ளவன். தினமும் காலையில் நடை பயிற்சி, யோகா மாலையில் 1 மணி நேரம் ஜிம் சென்று உடற்பயிற்சி செய்பவன். வாரத்தில் ஒரு நாள் விரதம். வேறு எந்த கெட்ட பழக்கமும் இல்லாததால் ஆண்டவன் நல்ல உடல் நிலையோடு என்னை வைத்திருக்கிறான் என நம்புகிறேன். நான் ஒரு கிரிக்கெட் வீரனாக ஆக ஆசைப்பட்டேன், பிறகு நல்ல பாடகராக ஆசைப்பட்டேன். கடைசியில் நன்கு படித்தால் மட்டுமே உறுப்பட முடியும் என நினைத்து நன்றாக படித்தேன். என் அப்பா அம்மா எப்படி என்னை வளர்த்தார்களோ அதே நல்ல பழக்க வழக்கங்களுடன் என் பிள்ளைகளை வளர்க்க முயன்று வருகிறேன்.

உங்கள் இலட்சியம் போன்றே வாழ்வில் வெற்றி பெற தமிழ்10 தளத்தின் வாழ்த்துக்கள்